Drejtues i PD në Këshillin Bashkiak të Tiranës, Ilir Alimehmeti ka analizuar në SPAK raportin e kreut të SPAK Altin Dumani në Kuvendine Shqiëprisë.
I ftuar në Quo Vadis të moderatores, Pranvera Borakaj në Vizion Plus, Alimehmeti tha se nuk kishte asgjë të re në raportimin e Dumanit.
Sipas tij në asnjë moment kreu i SPAK nuk foli për çështjet e nxehta që shqetësojnë qytetarët.
Pjesë nga biseda:
Borakaj: Të kënaqur apo të shqetësuar pas raportimit të Dumanit ditën e djeshme, pati diçka që e vlerësoni?
Alimehmeti: Në një ditë kur krimi shënon këtë situatë si ditën e sotme, vendet për deklaratat e arritjet duhet t’i analizojmë të gjitha bashkë. SPAK është institucion shtetëror, unë dëshiroj t’u besoj. Por kujtoj që brenda institucioneve ka njerëz që punojnë më mirë, ka që punojnë edhe më keq. Por unë mendoj se duhet të punohej më mirë se kaq. Çështje të nxehta si inceneratori, që nuk e prek njeri, e ulin pak këtë lloj besueshmërie. Kur gjërat e qarta nuk hetohen, ky diskutim është i madh. Krimi zgjedhor në Shqipëri nuk hetohet fare. Është dëshpëruese kur këtë vit u dhanë akuza për disa persona për vjedhje votash në 2021. Institucionet duhet të jenë për të shërbyer në kohë reale. Është njëjtë si mjeku. Mjeku mund të zgjidhë 1 mijë raste, por nëse 2 shkojnë keq, për këto duhet folur. Drejtësi e vonuar, drejtësi e munguar.
Borakaj: Po nëse të ka shpëtuar nga vdekja mjeku?
Alimehmeti: Po, nuk është 1 pacient, janë shumë. Por një rast po neglizhove, dënohesh nga Kodi Penal. Ne sot kemi një kryetar bashkie në burg.
