Kryeministri Edi Rama ka vëzhguar nga afër këtë të mërkurë disa tregje të Tiranës, për të parë si është situata dhe sa zbatohen masat. Në “Facebook”, ai ndau foto nga inspektimi i tij dhe u shpreh se pensionistët vijojnë të jenë problematikë.
“? SOT NË DISA TREGJE TË TIRANËS KU SITUATA ISHTE MJAFT POZITIVE
? PROBLEM PENSIONiSTËT QË DALIN NGA SHTËPIA, ÇKA ËSHTË E NDALUAR, SEPSE SHKALLA E RREZIKUT PËR TA ËSHTË SHUMË E LARTË
? RESPEKT MAKSIMAL PËR RREGULLAT DHE DURIM, DURIM, DURIM”
Edi Rama sqaroi edhe pse gjatë vëzhgimit nuk ishte i pajisur me maskë dhe dorashka.
“*** dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka?. E e kemi pērsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi… Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur ?”
