Kryeministri Edi Rama deklaroi se vendi po bën hapa përpara në luftën ndaj krimit dhe se po shkon më afër familjes europiane.
Në konferencën e përbashëkët për mediat me komisionerin e BE, Dimitris Avramopoulos, Rama tha se misioni i FRONTEX do të rrisë akoma më shumë sigurinë në vend.
Sipas kreut të qeverisë, Shqipëria po tregon që është një partnere e besueshme e BE dhe se 93% e shqiptarëve e mbështesin këtë gjë.
“Shqipëria është një partnere e besueshme e BE. Vendi ynë është shumë pranë BE shpirtërisht, pasi 93 për qind e shqiptarëve e duan Bashkimin Europian, por jo vetëm. Vendi ynë po bën hapa të rëndësishëm në luftën ndaj krimit dhe kjo ‘luftë’ ndaj krimit e çon Shqipërinë më pranë familjes europiane”
