Rama reagoi sërish për akuzat mbi prishjen dhe ndertimin nga e para të teatrit të ri.
Kryeministri hodhi poshtë pretendimet e PD dhe të një pjese të artistëve se me projektin e ri cënohet edhe trualli aktual I teatrit.
Nëpërmjet një video të postuar në faqen e tij në facebook, Rama shkruan se nuk do të cënohet asnjë centimetër nga trualli aktual dhe mbi këtë tokë të teatrit do të ndërtohet vetëm godina e teatrit të ri, asgjë tjetër.
Rama shtoi se pas teatrit të ri ka një pjesë trualli që është pronë publike që do I jepet privatit në këmbim të ndërtimit të godinës së Teatrit të ri Kombëtar.
Në këtë mënyrë nuk do të dal asnjë qindarke, sipas Ramës nga buxheti I shtetit për teatrin e ri modern por kjo shumë do të mbulohet nga private në këmbim të kësaj toke publike që është pas teatrit.
Video e Rames:
Eshtë folur e stërfolur, shpifur e stërshpifur, akuzuar e stërakuzuar, për truallin e teatrit që do “kafshohet” nga privati! Në fakt ASNJE CM2 e truallit të teatrit nuk do të preket nga asnjë privat dhe mbi të do të ndërtohet VETËM TEATRI I RI KOMBËTAR!
Ndërsa po, është e vërtetë që matanë murit rrethues të teatrit ekzistues, ka një truall në pronë të bashkisë që do t’i jepet privatit, NË KËMBIM TË TEATRIT TË RI që privati do të ndërtojë me kapitalin e tij, pa asnjë qindarkë nga buxheti i shtetit! Dhe trualli në fjalë është ky që do të shikoni në këtë video.
Shikojeni dhe më thoni:
A është ky truall një vlerë arkeologjike, historike, kombëtare apo kulturore, që po e humbet Shqipëria me këtë partneritet Publik-Privat për Teatrin e Ri Kombëtar? Dhe nëse jo, a nuk i’a vlen që në këmbim të këtij trualli, i cili do t’i bashkëngjitet pronave private përreth, Shqipëria të përfitojë një Teatër të Ri Kombëtar të denjë për Shqipërinë që duam?Shikim të mbarë.
