Kryeministri Edi Rama, në nisjes të fjalës së tij në Kuvend, iu drejtua Lulzim Bashës, pas përplasjeve që ky i fundit pati me deputetin socialist, Eduard Shalsi, teksa e quajti “plehrë, maskara, e hajdut”.
Ndërsa shprehu keqardhje për gjuhën e përdorur, kreu i qeverisë e “këshilloi” që mos të imitojë Sali Berishën.
“Së pari një shprehje keqardhje për atë lokorenë në vend të mirëmëngjesit pas ardhjes i fundit këtu zoti Lulëzim. Ta kam dhënë publikisht dhe personalisht. Mos imito atë të Foltores, sepse origjinali është më i besueshëm se kopja. E sa më shumë klith ai si personazhi i Foltores, dukesh si personazhi i Qajtores. Një burrë që vë kujën me fjalë që si prind i thua fëmijëve se nuk përdoren. Është një burrë në pikë të hallit megjithatë hallin që ke, sado që ta qajmë nuk e zgjidhim dot.”
