Kryeministri Edi Rama mblodhi mëngjesin e kësaj të hëne qeverinë në mbledhje të jashtëzakonshme.
Kreu i qeverisë pohoi se të premten të gjithë grupet e ekspertëve dhe inxhinierëve do të mbajnë një konferencë ku tregojnë se në cilat godina duhet treguar kujdes.
Kryeministri nënvizoi se në konferencë inxhinierët do t’u japin garanci njerëzve për godinat e padëmtuara si dhe kush duhet shembur.
“Do t’u japim njerëzve garanci që godinat nuk përbëjnë rrezikshmëri dhe njëkohësisht duhet të vëmë në kryq të gjithë godinat që duhen shembur. Ditën e premte përfaqësuese të ekspertimit të godinave do të paraqesin për publikun raste dhe tipologji ndërtimesh për të treguar se nga dhe për çfarë duhet të ketë një shqetësim. Pastaj në çdo rast duhet të bëhet ekspertimi i veçantë. Të premten do të ndiqni nga goja e atyre që dinë se çfarë flasim. Dua t’u bëj apel mediave të adresojnë pyetjet për këto grupe, nuk iu kushton asgjë t’i kërkojnë ekspertët dhe t’i pyesin. Po punojmë për kuadrin e ri ligjor dhe penal për abuzimet në nderimit dhe njësia speciale ka nisur të gjithë hartën për të identifikuar përgjegjësitë”
