Rama takohet me Pence
Kryeministri Edi Rama është takuar me zv/presidentin amerikan, në samitin e Kartës së Adriatikut ne Podgoricë. Ne rrjetin social facebook shefi i qeverise ka postuar nje video nga ky takim.
Ne Mal te Zi me zëvendës presidentin Majk Pens dhe liderët e rajonit tone. Zëvendës shefi i shtëpisë se bardhe nënvizoi fort interesin e Shteteve te Bashkuara per te forcuar bashkëpunimin mes vendeve shkruan Rama. Në takim i pranishëm ka qenë edhe ministri i jashtëm Ditmir Bushati.
Më herët kryeministri është takuar me krerët e qeverive dhe shteteve të rajonit. Në takim me kryeministrin e Malit të Zi, Rama ka diskutuar mbi zhvillimet në rajon, marrëdhëniet mes dy vendeve dhe forcimin e mëtejshëm të tyre.
Po ashtu, Rama është takuar edhe me presidentin e Kosovës Hashim Thaçi, me kryeministrin maqedonas Zoran Zaev dhe atë kroat Adrej Plenkoviç.
