Rama “shpërthen” ndaj opozitës: Qafirë që po helmojnë këtë popull

Kryeministri Edi Rama “shpërtheu në akuza ndaj eksponentëve të opozitës që pak kohë më parë komentuan një pjesë të kontratës së Shqipërisë me Pfizer për vaksinën.

Duke i quajtur qafirë, Rama deklaroi para gazetarëve këtë të hënë se ata thjesht duan të helmojnë popullin me fjalë se vaksinimi është një proces propagandë.

“Disa qafira që janë pjesë e një turpi të madh me publikimin dhe komentimin e disa faqeve të shkëputura të kontratës, me në krye një qafir digjital, po helmojnë sa më shumë këtë popull opër t’i thënë që çdo gjë këtu është vetëm e zezë, duke keqintepretuar vetëm atë pjesë të kontratës, duke thënë që vaksinat po vikërkan për fushtaë e propagandë sepse doza më e madhe nuk do të vijë deri në vjeshtë. Kështu 2 milionë shqiptarë të përjashtuar janë dënuar me vdekje. Deri këtu shkoi qafiri digjital. Por e vërteta është krejt ndryshe. Vaksinat nuk mund të bëhen për propagandë e fushatë e për t’u hedhur hi syve njerëzve në prag të zgjedhjeve sepse njerëzit janë këtu dhe do të shikojnë sesi shkon procesi. Duan, s’duan ata që nuk duan, Shqipëria ka një qeveri që arrin të bëjë gjëra që të tjerët rreth nesh nuk arritën t’i bëjnë.”

Duke marrë shkas nga paralajmërimet e disa shteteve për Pfizer se do ta ndjekin penalisht për vonesat në furnizimin me vaksina, kreu i qeverisë u shpreh se Shqipëria nuk do ta bëjë diçka të tillë. Për Ramën, Pfizer meriton vetëm respekt dhe mirënjohje, përsa i takon sjelljes që ka treguar me vendin tonë.