Rama: PD-së i djeg xhani për studentët, bllokoi debatin që e kërkoi vete

Kryeministri Rama nëpërmjet postimeve të vazhdueshme në twitter ka hedhur akuza ndaj sjelljes së PD në seancën parlamentarë të kësaj të enjteje.

Kreu I qeverisë shkruan se partia më e madhe opozitarë që pretendon se i djeg shumë xhani për studentet e ktheu seancën në një konflikt rrugësh, duke bllokuar një debat që e kërkoi po vetë.

Rama thotë se ky është modeli I PD-së për rininë duke bërë krahasime edhe me përplasjet verbale të ditëve të fundit me studentet në universitete ku ai ka shkuar për të dialoguer në lidhje me problemet e studenteve.

U djeg xhani për studentët, por seancën e kërkuar për ta e kthyen në një konflikt rrugësh, duke bllokuar me dhunë debatin që kërkuan vetë?Ky është modeli i tyre për rininë, prandaj s’është çudi kur hasim të rinj, që sharjet i dinë për trimëri dhe refuzimin e Dialogut për forcë?

— Edi Rama (@ediramaal) December 20, 2018