Kryeministri Edi Rama kërkoi mbështetjen pa kushte të socialistëve për të miratuar paketën Speciale AntiKÇK.
Gjatë preziantimit ai paralajmëroi deputetët se kush nuk e miraton paketën do të përjashtohet nga grupi parlamentar .
“Unë kërkoj mbështetjen pa kushte të gjithë grupit parlamentar për ligjin special dhe paketën kundër KÇK pa kushte. Kush nuk e voton këtë paketë është i përjashtuar nga grupi parlamentar i PS”
Kreu i qeverisë njoftoi gjithashtu se mazhoranca do të prekë dhe një sërë ligjesh të tjera me qëllim luftën ndaj korrupsionit.
“Agjencia e pronave të sekuestruara do kalojë nën varësinë e Ministrisë së Brendshme. Do ngremë edhe një njësi speciale kundër korrupsionit që do jetë një njësi e përqendruar tek korrupsioni në gjithë sistemin qeverisës. Askush nga ne dhe aq më pak PS nuk mund të mbajë në kurriz dikë që përdor mandatin e zyrën në funksion të tij”