Rama: Opozita frikë nga zgjedhjet e drejtësia, ka hyrë në rrugë qorre

Kryeministri Edi Rama ka ripërsëritur edhe njëherë qëndrimin se zgjedhjet do të zhvillohen në 30 qershor dhe se nuk do të ketë shtyrje.

Nga Cërriku, ku prezantoi kandidatin për kryebashkiak, Rama nuk i kurseu as akuzat në drejtim të opozitës.

Ai tha se opozita ka frikë nga zgjedhjet dhe drejtësia e për këtë gjë ka hyrë në një rrugë qorre pa logjikë.

Duke u kërkuar që të votojnë PS, Rama u zotua para qytetarëve të Cërrikut se në katër vitet e ardhshme PS do të bëjë akoma më shumë për këtë zonë.