Kryesocialisti Edi Rama gjatë vizitës së tij në Qarkun e Elbasanit zhvilloi mbrëmjen e kësaj të enjteje një takim elektoral me gratë dhe vajzat ku bëri dhe prezantimin e kandidatateve.
Në fjalën e tij Rama tha se sot PS dhe Shqipëria kanë ndryshuar falë kontributin shumë të madh të grave dhe vajzave.
“Çfarë ne kemi arritur në gjithë këto vite pavarësisht se të tjerët përpiqen të trgojnë të kundërtën, nuk do ishte arritur dot, nëse ne nuk do kishim arritur të bënim fuqizimin e grave dhe vajzave. Nëse ne nuk do kishim arritur që atë që bëmë për vete dhe PS ta impononim përmes parlamentit edhe për të tjerët. Duke bërë që sot të kemi një qeveri që për të disatin vitn rresht është në pesëshen e parë të OKB për vendin që ju ka dhënë vajzave dhe grave. Sot kemi 30% të sipërmarrjeve që drejtohen nga gra. Një pjesë e madhe e tyre drejtohen nga gra dhe janë bashkë me burrat në sipërmarrje, rëndësi ka që e kanë kuptuar dhe burrat që me gratë duhet të ndajnë misionin, sfidat dhe gjykimet për të dnarë sfidat e duhura. Ne sot udhëheqim pasi kemi bashkëdrejtim të organizatave. Në 90% të oragnizatave kemi një kryetar burrë ose djalë dhe një kryetare gura ose vajzë. Kur unë e bëra shokët e mi talleshin dhe kujtonin që nuk funksionin, por ja që funksionon më së miri. Unë besoj se do të kemi edhe partinë më tëmrië në oragnizim. Ne udhëheqim në forcën e shembullit. Më e bukura është se 52% të listës së mbyllur ne e kemi me gra dhe vajza”, u shpreh Rama.
Më tej Rama bëri sërish thirrje që në 11 maj të gjithë të votojnë me zemër dhe mendjen në BE. Ai ritheksoi për të disatën herë se 11 maji është ditë historike, ku Shqipëria ka mundësinë të takohet me Europën dhe të ulet përballë çdo europiani si i barabartë.
“Unë besoj se sot Shqipëria është në një moment historik që nuk duhet ta humbasë. Ne duhet të votojmë patjetër në 11 maj për të gjitha ato që ka nevojë Qarku i Elbasanit, por ama aty ku duhet në mënyrë të posaçme gjykimi dhe këmbëngulja e të gjitha nënave në çdo shtëpi do të votojmë për një mundësi që fati e desh të na vinte ne në dorë, për të mbyllur negociatat me BE brenda vitit 2027-të, dhe për t’i dhënë pasaportën Europiane të gjithë fëmijëve të Shqiëprisë”, vijoi më tej kryesocialisti.
