Kryeministri Rama ka folur para grupit të Partisë Socialistë për vizitën e fundit në France me presidentin Macron, të cilën e ka konsideruar positive.
Ai tha se është më optimist pas takimit me presidentin e Francës sesa ishte para takimit por sqaroi se vendimarrja e Frances për negociatat është një vendimarrje që ka lidhje me reformimin e Europës dhe jo vetëm me Shqipërinë dhe Maqedoninë. Rama pohoi se Macron I përcolli fjalë inkurajuese për reformat e ndërmarra nga qeveria dhe në mënyre te vecante vettingun.
Megjithatë kreun e qeverisë e shqetëson sjellja e opozitës.
“Opozita spo lë gur pa lëvizur dhe pabesi pa bërë. Po pengojnë dhe tentojnë të bllokojnë dhe rrëzojnë Shqipërinë në këto metra të fundit të një rrugëtimit të gjatë drejt një stacioni historik. Ata po minojnë dhe hedhin në erë negociatat”.
