Dy ditë pas zyrtarizimit të listës së PS, kryeministri Edi Rama zhvilloi një takim online këtë të mërkurë me kandidatët socialistë.

 

Fjalën e tij shefi i socialistëve e nisi me një falenderim dhe vlerësim për figurat e Najada Çomos dhe Luljeta Bozos.

 

“Faleminderit Luljetës, Najadaës, dy heroinave të kësaj kohe të jashtëzakonshme, dy grave të forta, dy grave pasionante, dy grave profesioniste, dy vullnetareve të vijës së parë. Dy përfaqësuese të denja që janë në këtë skuadër, janë në krye të kësaj skuadre, mishërimi i dy kategorive më të prekura nga furtunat e kohës, pensionistët dhe bluzat e bardha. Duam që të gjithë të shohin dhe të ndjejnë arsyen e fortë se pse këto dy mikesha janë sot me ne. Luljeta Bozo është një frymëzim sepse sot kur në certifikatën e saj figuron një moshë që uroj ta arrijnë të gjithë, ajo dëshmon se mosha e vërtetë është mosha e shpirtit dhe e mendjes. Nga ana tjetër, Najada është deputetja e heronjve tanë, në vijën e zjarrit të kësaj lufte të pamëshirshme që ka përfshirë mbarë botën. Është përfaqësuesja e tyre, por edhe përfaqësueja e denjë e përpjekjeje tërësore ku humbën jetën disa kolegë të saj”, tha Edi Rama, shkruan “Vizion Plus”.

Leave a Reply

Your email address will not be published.