Kryeministri Edi Rama bëri të qartë edhe një herë tjetër se Partia Socialiste nuk po kërkon të pengojë reformën në drejtësi përmes komisionit “Xhafaj”, duke hedhur poshtë kështu akuzat e opozitës.
“6 muaj shkuan dëm. Xhafaj dhe Rama kanë një plan të errët për të bllokuar SPAK. Kur përmend SPAK, ka shumë forca që angazhohen për të dalë menjëherë në mbrojtje. Dua të kujtoj për të gjithë duke filluar nga miqtë tanë. Çfarë nuk të vret, të forcon, le të konsiderohen akuzat si hudhra që do të pengojnë syrin e keq. PS, forca që qeveris vendin prej 2013 është forca udhëheqëse e reformës në drejtësi dhe pa këtë forcë dhe pa bindjen dhe vullnetin e PS, jo Amerika, jo Europa, po të gjithë të tjerët të bëheshin bashkë, nuk do ta bënin dot të mundur reformën në drejtësi”, tha Rama.
“Një projekt që u shoqërua me hezitime dhe mëdyshje dhe me një spekulim të shfrenuar mbi qëllimet e tij ende pa u bërë publik qoftë edhe njqë dokumentacion të etëm. Koha po provon dhe do të provojë të kundërtën, ashtu siç po ndodh me reformën në drejtësi. Ne jemi angazhuar të ndërtojmë një projekt që ka në themel vizionin afatgjatë, përkushtimin ndaj njerëzve për transformime të reja shtetndërtuese në vendin tonë”, deklaroi Fatmir Xhafaj, kryetar i Komisionit të Posaçëm Antikorrupsion.
Që qeveria të përmbushë ambicien për të anëtarësuar Shqipërinë në BE brenda vitit 2030, ambasadori Gonzato përsërit detyrën kryesore për vendin tonë:
“Nuk kemi nevojë të shpikim rrotën nga e para në këtë drejtim, rruga është e qartë. Kemi angazhuar ekspertët tanë në këtë komision që të ketë koherencë, sa i përket sektorit të drejtësisë. Pakthyeshmëria e reformës në drejtësi duhet të jetë parimi, Shqipëria është angazhuar qartë, të vazhdojë të forcojë pavarësinë e magjistrastëve për të siguruar llogaridhënien në të gjitha nivelet dhe dhënie të drejtësisë për të gjithë”, u shpreh Silvio Gonzato, ambasador i BE në Shqipëri.
Në rrugën drejt BE, Edi Rama deklaroi se nuk do ta presë opozitën për bashkëpunim politik.
“Ne nuk do të presim askënd sepse nuk mund ta presim, dot. Në rastin më të keq ne do të presim partnerët tanë kur nuk janë të bindur që ne nuk jemi duke fshehur diçka. Por forcë tjetër ne nuk presim. E di që ky është një problem, është një minus. Është korrekte klima politikle, por midis dy zgjedhjeve që ne të presim një bashkëpunim që ne e dimë që nuk do të ndodhë dhe të humbasim kohë, dhe ndërkohë të fitojmë çdo minutë, ne e kemi bërë zgjedhjen tonë”, shtoi kryeministri.
Nën qeverisjen socialiste, kryeministri Edi Rama garantoi thellim të reformës në drejtësi, duke goditur më tej korrupsionin dhe krimin e organizuar. /vizionplus.tv
