Nga Lezha, ku bëri prezantimin e kandidatëve, kryeministri Edi Rama e krahasoi kryedemokratin Lulzim Basha me Gjinon, personazh nga filmi “Përrallë nga e kaluara”.
Sipas Ramës, ai është dhëndri që krijon idenë sikur do të bëhet dasmë. Nusja, vijoi Rama, është Shqipëria, që kërkohet për treshen Meta-Berisha-Kryemadhi.
“Monika dhe Iliri, laj-thaj të njëtët. Çohu e ngrihu, po atë. Këtu mjafton të thuash tre emra Sali, Ilir, Monika, i ke thënë të tëra, por këtu vijnë dhe Mediu, Dash Shehi, Dulja, Idrizi, Mesila Doda. Po kur thonë që na votoni ne që të mos ikin shqiptarët. Luli është thjeshtë dhëndri që ka nisur me shpresën që do të bëhet një dasmë. Nusja që kërkohet është Shqipëria, Luli është si Gjino që kërkohet për shkes për Saliun për Ilirin dhe Monikën. Gjino është për të krijuar idenë që një dasmë do të ndodhë, djali është i mirë, por më duket se gjumi i tepërt i ka dëmtuar atë zonën që mendon. Krijon vatra COVID dhe vet qëndron mbi makinë. Të verbër komplet, po ai stil, me COVID, pa COVID, këtë kanë dy gishta dhe Rama ik. Ndërkohë që ne jemi këtu për të përzënë COVID. Ato dhe me COVID janë gati të bëhen aleatë dhe me Rama ik. Nuk dinë fjalë tjetër. Tregojnë edhe hallin që kanë ik se ne nuk të mundim dot.”
