Një nga premtimet më të mëdha që kryeministri Rama bëri gjatë punimeve të Kongresit të PS ishte edhe niveli i ri i pagës mesatare. Kreu i qeverise tha se nga 1 janari 2021, paga minimale në Shqipëri do të jetë 30 mijë lekë të reja, pra 5 mijë më shumë se sa është aktualisht. Ai shtoi se mandate i trete qeverises i duhet kësaj mazhorancë për ta çuar shtetin dhe ekonominë shqiptare në një tjetër nivel.
“Kemi krijuar bazën për zhvillimin e ekonomisë, për të pasur një volum të konsiderushëm të investimeve të huaja, rritje të punësimit real, shtytje më lart të nivelit të pagave. Mandati i parë ishte për të shtrirë themelet, i dyti për të hapur kantierët, mandati i tretë na duhet për të vendosur përfundimisht Shqipërinë në një nivel tjetër si shtet dhe ekonomi. Nëse tërmeti i 26 nëntorit do të kishte rënë në 2013 jo rindërtim por do ishim futur në gropë bashkë me ata që fatkeqësisht u ndanë nga jeta si shtet dhe ekonomi, si shoqëri dhe prespektivë. Detyra jonë është që 2020 ta kthejmë në një moment historik të forcës së shembullit qeverisës. Aty ku panë fundin tonë, do të shohin forcën tonë. Në pranverë do të bëjnë të ditur programin tonë të ri ekonomik dhe nisim fazën e dytë të reformave. Nga 1 janari 2021 paga minimale do të jetë 30 mijë lekë.”
