Dy shkollat e fundit në Shijak, rindërtimi i të cilave erdhi si domosdoshmëri pas tërmetit të Nëntorit të 2019-ës janë “Lidhja e Prizrenit” dhe “Petrit Llaftiu”.
Shtatori do t’i gjejë ato të ndërtuara nga e para për të pritur mbi 550 nxënës. Për të parë ecurinë e punimeve, kryeministri Edi Rama ishte atje.
Përveç klasave, shkollat janë shndërruar edhe në mjedise, ku pas procesit mësimor mund të shfrytëzohen për aktivitete të ndryshme.
Pas Shijakut, në Bubq, rindërtimi i shtëpive dhe infrastrukturës mbështetëse është drejt fundit.
Shtatë pallate dhe 78 shtëpi individuale ku do të vendosen familjet, banesat e të cilëve u shkatërruan nga goditja sizmike pritet t’u dorëzohen banorëve në Shtator.
Kjo lagje e ndërtuar nga e para përfshin jo vetëm strehimin e familjeve të dëmtuara por edhe një shkollë dhe njësinë e re bashkiake.
