Kreu i qeverisë Edi Rama i është përgjigjur akuzave të aleatëve të tij në LSI dhe PDIU të cilët i kanë cilësuar qëndrimet e qeverisë si arrogante.
Duke folur në një intervistë për Vizion Plus. Rama tha se nëse kushtetuta është arrogante atëherë, edhe ai, si një respektues i plotë i saj është po aq arrogant.
Nuk e kanë adresuar drejtpërdrejt mbi mua por ajo që unë di të them është që kushtetuta nuk është arrogante dhe liria dhe e drejta e shqiptarëve për të zgjedhur më 18 qershor nuk është cinizëm. Nuk është aspak cinike që ti të bësh detyrën karshi atyre që të kanë zgjedhur. Kryerja me vendosmëri dhe në përputhje të plotë me kushtetutën dhe ligjet që ne kemi e të gjitha detyrave ska të bëjë as me arrogancën dhe as me cinizmin por me seriozitetin në rrugën që ne do të jemi të parët shembulli se ky vend mund të bëhet shtet, se ky vend të të vijojë të ndërtojë rrugët e mirëqënies për njerëzit e vetë dhe jo për rrugët e sherrit që preferojnë disa të cilët vetëm për njerëzit nuk duan tia dinë. – Deklaroi Rama
