Në një tjetër bashkëbisedim online me ndjekësit në rubrikën “Sy m’sy”, kryeministri Edi Rama hodhi poshtë zërat se PS ka vjedhur programin e opozitës. Me ironi, Rama e quajti qesharake këtë akuzë.
“Iu qajnë hallin pensionistëve dhe që iu kopjua programin. Gjëja më qesharake në botë, a thua se bëhet fjalë për ndonjë Kod atomik. A thua se bëhet fjalë për ndonjë Kod kasafortë, të ndonjë sekreti, Kodi i Davinçit. Megjithëse iu qajnë hallin pensionistëve, nuk janë kontributin e tyre për Fondin e Sigurimeve Shoqërore, deri këtu është niveli i banaliteti dhe hipokrizisë dhe krijesave kënetore”, tha Rama.
Rama qartësoi se nëse opozita vjen në pushtet, nuk ekziston asnjë mundësi që Shqipëria të futet në BE.
“Tani ka disa që teoriozojnë dhe i marr çdo mëngjes nga stafi im, disa shënime që teorizohen mbrëmjeve në pasqyrat e kënetës mediatike. Ka disa që teorizojnë që kjo është kot se në të gjitha rastet BE nuk do ta marrë Shqipërinë. Edhe tjetra nëse do na marrë, do na marrë edhe nëse i humbim zgjedhjet. Janë ca njerëz që u ka ecur mbarë në fakt dhe kanë marrë të gjitha çfarë kanë dashur sepse s’mund të bëj asnjë insinuatë të kësaj natyre”, tha kreu i qeverisë.
Shpresën e demokratëve se do të fitojnë në 11 maji më prezencë të konsulentit Amerikan La Civita, Rama u përpoq ta shuante.
“Këtu bëhet fjalë me individë që kanë probleme të hapur me drejtësinë, si mendoni ju që BE këto nuk i merr në konsideratë, apo është një studio konsulence që paguhet me kushedi se sa dhe se si paguhet dhe vjen nga Amerika këtu se paguhet dhe bën fushatë për një palë dhe këtu mbyllet filmi. Nuk mbyllen kështu filmat me BE, janë ndryshe. As me Amerikën”, tha ai.
Teksa i kërkoi votën Shqiptarëve për të garantuar një fitore të katërt në 11 maji për t’i dërguar një mesazh Brukselit, në mbyllje Rama u ndal te një tjetër merak i komentuesve.
-Me sa sheqer e pi kafen?
“Me zero sheqer. Edhe në fakt kur më thonë a do sheqer, i them jo se jam i ëmbël vetë dhe në fakt jam më i ëmbël se sa dukem në të vërtet”, tha Rama./vizionplus.tv
