Kryeministri Edi Rama, njëherësh kryetar i PS, gjatë vizitës në Shkodër është dalur në një takim me gratë dhe vajzat ku ka prezantuar kandidatet në këtë qark.
Në fjalën e tij ai vlerësosi edhe njëherë rolin e madh të grave dhe vajzave në arritjet e mëdha të Shqipërisë në vitet e fundit.
Sipas tij falë kontributit të grave dhe vajzqave Shqipëria dhe Partia Socialiste ka ndryshuar.
“Nëse Shqipëria pati një periudhë aq të vështirë, dhe vuajti nga shumë vendime të gabuara një nga arsye të gabuara ishte se mungonte zëri i gruas. Edhe ato shumë pak gra që patën kurajo të ngjiten në skenën e përballjes publike dhe politike dukeshin aq të vetmuara sa shpesh detyroheshin të silleshin si burra. Sot duke kthyer kokën pas me një PS që kishte 12% gra dhe vajza të regjistruara por jo aktive pasi askush nuk i thërriste, sot ne kemi 40% gra dhe vajza. Sot ju jeni 39 mijë, por ne nuk duhet të ndalemi deri sa gratë dhe vajzat në këtë familje të madhe politike të jenë 50 miijë. Ajo që është më kuptimplotë, shikojeni skuadrën tonë në Shkodër, jo vetëm që janë gjysmat gra dhe vajza të listës së deputeteve, por dhe në listën e mbyllur ne kemi gjysmat që janë gra dhe vajzat, në rang republike kemi numrin më të madh të grave dhe vajzave kandidate. Jemi partia me numrin më të madh të grave dhe vajzave deputete pasi 52% e listave të mbyllura janë gra dhe vajza. Gratë dhe vajzat nuk jaën thjeshtë votues por janë pararoja e fitores tonë të 11 majit”, tha Rama.
