Kryeministri Edi Rama paralajmëroi se nga SPAK mund të goditen politikanë të çdo force politike.
Nga Berati, ku zhvilloi takimin e radhës elektoral, kreu i qeverisë sulmoi presidentin Ilir Meta.
Sipas tij, Meta, duke përdorur shumë shpesh fjalën ‘burg’, tregon se është i stresuar.
“Mandati nuk është për mua është që Shqipëria të konsolidojë pozicionin që ka fituar në çdo sektor. Merreni që nga drejtësia. Drejtësia ka filluar që të çelë embrionin e ri, por është ende larg së qeni një trung i fortë që i rezistojnë furtunës. Ilir Metës i vjen fjala burg si fjala bukë. Është në hall, është në stres dhe problemi i tij kryesor është si ta frenojë këtë stres. Drejtësia po pastrohet nga llumi. Institucionet e reja të drejtësisë po ngrihen dhe natyrisht do të vazhdojë, pasi SPAK po kryen goditjet dhe do të vazhdojë. Vazhdimi i goditjeve të SPAKU-t mund të lëndojë politikanë si majtas, si djathtas, por shkon në drejtim të duhur për njerëzit e zakonshëm të këtij vendi që kushdo këtu të ndihet i barabartë para ligjit.”