Rama: Dudushi, shalqi me provë

Metaforën shalqi me provë, kryeministri Edi Rama nuk e kurseu as për moderatorin e “Zgjedhje 2021” në “Vizion Plus”.

Gjatë intervistës, duke komentuar pse e quan kështu kryedemokratin Lulzim Basha, Rama tha se shalqinj me provë janë të gjithë. Këtu, nuk përjashtoi as veten e tij.

“Shalqi me provë është edhe Dudushi, shalqi me provë jam edhe unë. Këto janë matefora që ndihmojnë për të vizatuar në sytë e njerëzve personazhin. Shalqinj me provë jemi të gjithë ne, në këtë moshë që jemi, shalqinj me provë jemi.”