Rama: Do të ndërtojmë Akademinë e Aviacionit, do të nxjerrim pilotë shqiptarë

Projekti i radhës që premton Edi Rama është ndërtimi i Akademisë së Aviacionit Civil.

Kryeministri e premtoi këtë projekt gjatë nënshkrimit të kontratës mes Ministrisë së Infrastrukturës dhe kompanisë së Behgjet Pacollit për Aeroportin e Vlorës.

“Do të investohemi si shtet për të ndërtuar në Vlorë Akademinë e Aviacionit Civil, për të nxjerrë ekspertët shqiptarë, deri te pilotët shqiptarë. Jemi sot në një moment kur realisht është si ajo shprehja: Pas vuajtjes, vjen lehtësimi. Pas pandemisë, na është hapur një horizont i gjerë dhe tani na duhet të punojmë. Jam shumë i lumtur Bac të të shoh këtu përballë si investitor dhe ndërtues në vendin tonë. Jam i bindur se do ta bësh këtë aeroport shumë më të bukur se projekti 3D. Vlonjatët do të ndihen edhe më krenarë, shqiptarët do të ndihen edhe më krenarë.”