Kryeministri Edi Rama, prej ditësh vijon me reagimiet e tij për teatrin përmes postimeve të aktorëve të ndryshëm, që janë pro prishjes së godinës së Teatrit Kombëtar.
Shefi i qeverisë këtë të shtunë ka shpërndarë në profilin e tij në Facebook statusin e aktorit dhe regjisorit, Spiro Duni.
Në komentin e t9ij Rama shkruan se aktori Duni si shumë kolegë të tjerë kërkon që karakatina e qerestesë, tanimë e kthyer në kështjellën prej tallashi të politikanëve aktorë e të aktorëve politikanë, të shembet një orë e më parë.
“Spiro Duni, aktor dhe regjisor që është ngjitur vetë dhe ka ngjitur trupa aktorësh në skenën e Teatrit Kombëtar, duke krijuar vlera e promovuar talente, kërkon si shumica dërrmuese e komunitetit teatror, që karakatina e qerestesë, tanimë e kthyer në kështjellën prej tallashi të politikanëve aktorë e të aktorëve politikanë, të shembet një orë e më parë për t’ia lënë vendin godinës së re të Teatrit Kombëtar.
QENDRIMI I REGJISORIT
SPIRO DUNI:
Ndërtimi i Teatrit të ri është emergjencë kombëtare në këtë atdhe zhurmëmadh! Asnjë cm2 nuk cenohet nga ky truall dhe besoj që të zotët ndër vite do të kenë stendat e tyre të mirënjohjes në hollet e tempullit të ri!”.