Ish-deputeti i Partisë Demokratike, Bardh Spahia reagoi ashpër pas prezantimit që kryeministri Edi Rama bëri këtë të dielë për paketën “Anti-KÇK”. Ai e akuzoi kreun e qeverisë se flet sikur vjen nga hëna, kur bie fjala për luftuar krimin e ndëshkuar të rrezikshmit.

 

“Kryeministri që bën sikur vjen nga hëna. Si zakonisht nuk i mungojnë fondet për shpenzime fasadë, sidomos kur duhet të luajë rolin e “shpëtimtarit” edhe pse asnjë pengesë nuk ka patur në 7 vjet. Pasi justifikoi gjithçka të shëmtuar, në emër të reformës në drejtësi, tani që u ngrit SPAK E BKH, thotë se ky do bëka të njëjtën punë që ligji ua ngarkon atyre. Po pse nuk e ka bërë më parë? Pse nuk flet për kriminelët e rrezikshëm të kapur gjatë qeverisjes së PD, e që po lirohen njëri pas tjetrit, edhe me një kontratë punësimi nga njerëz të afërt të këtij kryeministri në pushtetin vendor?”

 

Demokrati shtoi se largimi i Edi Ramës është një mision kombëtar sepse për sa kohë që ai do të jetë në qeveri, vendit nuk do t’i vijë asnjë e mirë.

 

“Po ata kriminelët që i kanë dalë në përgjime për vjedhje votash? Pse nuk ia “beson” të fortët strukturave të reja të refomës në drejtësi, por po kërkon të jetë “dorë e parë”? Asgjë e mirë nuk vjen nga një njeri që kërkon të kontrollojë çdo pushtet! #Largimi i Ramës, mision kombëtar.”

 

Ashpër reaguan edhe Sekretari i Përgjithshëm i PD, Gazment Bardhi dhe kryedemokrati Lulzim Basha, të cilët deklaruan se Edi Rama nuk e lufton dot krimin sepse është vetë palë me të.

Leave a Reply

Your email address will not be published. Required fields are marked *