I shoqëruar nga deputete te Partisë Demokratike, lideri i opozitës ka mbërritur ne ambientet e policisë, per t’u interesuar mbi gjendjen e personave te shoqëruar. Demokratet kane tentuar te hyjnë me force brenda. Pas takimit me drejtuesit e uniformave blu, Lulzim Basha ka preferuar te flasë përpara medias me megafon për t’u dhëne mundësinë te dëgjonin edhe mbështetësit e grumbulluar. Me herët, Lulzim Basha doli në mbrojtje të protestuesve, pasi protesta kundër ndërtimit të parkut të lodrave u shoqërua me përplasje fizike. Akuzoi drejtpërdrejt kryeministrin Edi Rama, si nxitës i dhunës dhe për përdorim të forcave të policisë. Basha kërkoi nga Prokuroria të reagojë dhe të nisë hetimet bazuar në denoncimet e opozitës. Kreu i PD-së deklaroi se me një stil banditesk të panjohur, policë me maska rrëmbyen kryetarin e Partisë Demokratike të Degës 5 në Tiranë Ndriçim Babasi në mes të një lokali në kryeqytet.
