Kryeministri Rama vazhdon të postojë herë pas herë qëndrime të politikaneve të ndryshëm europianë në lidhje me hapjen e negociatave të Shqipërisë me BE-në , duke përplasur kështu qëndrimet e tyre me ato të Lulzim Bashës.
Mirëpo këtë herë Rama ka zgjedhur të postojë një deklaratë të homologut të tij të Maqedonisë së Veriut Zoran Zaev.
“Unë si Zoran Zaev nuk isha në opozitë para 100 vjetesh por para 21 muajsh dhe kur ishim në opozitë asnjëhere nuk lejuam që të japim përshtypjen para institucioneve europiane se jemi kundër fillimit të bisedimeve me BE-në”, citohet të ketë thene kryeministri në largim I Maqedonisë së Veriut.
Një deklaratë të cilën Rama e vë përballë një citimi të Lulzim Bashën ku ky I fundit shprehet:
Nuk ka dhe nuk mund të ketë Shqipëri europiane. Këtë e kemi thënë prej fillimit ne demokrate, ne opozitarët. Këtë sot e ka thënë me gjuhe të qartë edhe Brukseli.
Duket qartë në këtë përballje deklaratësh se qëllimi I Ramës është të akuzojë Bashën se me qëndrimet e tij i radikale I ka prishur punë vendit në tentativën për të bindur ndërkombëtarët që të hapnin negociatat.
Ai kësisoj, I jep përgjigje edhe Bashës që një ditë më parë I kërkonte të vepronte njësoj si Zaev I cili e dergoi vendin në zgjedhje te parakohshme pasi nuk mori një përgjigje pozitive për hapjen e negociatave në 18 tetor.
