Rusia besohet se goditi gabimisht dhe rrëzoi avionin e pasagjerëve të Azerbajxhani Airlines dy ditë më parë, duke vrarë 38 persona.
Lajmin e kanë konfirmuar mediat ndërkombëtare përmes burimeve të ndryshme që tregojnë se aksidenti tragjik u shkaktua nga sistemi rus i mbrojtjes ajrore.
Lexo edhe :
Sipas hetimeve të deritanishme, provat gjithnjë e më të forta sugjerojnë se aeroplani, i cili po fluturonte nga Bakuja drejt kryeqytetit të rajonit rus të Çeçenisë, Grozni mund të jetë goditur nga një raketë kundërajrore që po I përgjigjej një sulmi ukrainas, para se te kalonte Detin Kaspik dhe të rrëzohej në Kazakistan.
Megjithatë mediat dhe autoritetet ruse të cilat nxituan për të theksuar shkaktarët e mundshëm të aksidentit mjegullën apo përplasjen me zogjtë, nuk e kanë pranuar një gjë të tillë.
Zyrtarë të Azerbajxhanit thanë se presin hetim të drejtë dhe rezultate te qarta nga pala ruse, dhe askush nuk pretendon që goditja ishte e qëllimshme.
Në hetime po marrin pjesë autoritete të Rusisë, Azerbajxhanit dhe Kazakistanit.
Nëse konfirmohet, atëherë kjo do të ishte hera e dytë që rusia rrëzon një aeroplan udhëtarësh që nga fillimi i luftës së Moskës në Ukrainë me pushtimin e Gadishullit të Krimesë dhe konfliktin në Donbas një dekadë më parë.
Një raketë ruse rrëzoi një avion të Malaysia Airlines më 17 korrik 2014, duke vrarë të gjithë personat që ndodheshin në bord, 298 persona, pasagjerë dhe ekuipazh. /vizionplus.tv
