Britanikët do të nisin vaksinimin kundër koronavirusit brenda kësaj jave. Qeveria ka vendosur që ata që vaksinohen, të pajisen me një kartë.
Ajo ka ngjyrë blu dhe ka një hapësirë për datën dhe numrin e dozave, pasi duhet të merren dy të tilla.
Ekspertët inkurajojnë qytetarët që ta mbajnë kartën në çantë ose portofol.
Britania është bërë gati të nisë vaksinimin e qytetarëve me “Pfizer”. Qindra mijëra doza mbërritën në Britani të premten dhe u dërguan në 50 spitale.
