Struktura e Posaçme Antikorrupsion është e mbingarkuar me kallëzime të bëra për ministra, zvëndësministrja dhe drejtorë.
Diçka të tillë e deklaroi avokati Saimir Vishaj, në një lidhje të drejtpërdrejt me emisionin “7 pa 5” në “Vizion Plus”.
Ai shpjegoi se që të pritet produkti nga SPAK, pra arrestimi i “peshqve të mëdhenj”, duhet ngritur më parë Byroja Kombëtare e Hetimit.
“Ka me qindra këllëzime. Prokurorët e SPAK janë të mbingarkuar me kallëzime për subjekte të posaçëm, drejtora drejtorie, ministra, zëvendësministrash që janë ose kanë qenë. Por mendoj që puna çalon diku tjetër, në ngritjen e Byrosë Kombëtare të Hetimit. Pritet me padurim ngritja e saj. SPAK që të ketë një funksionim normal për të pritur arrestimin e “peshqve të mëdhenj” i duhet BKH.”
Në anën tjetër, Saimir Vishaj vuri alarmin për shkrirjen e Gjykatave të Apelit. Duke përmendur rastin e Gjykatës së Apelit Korçë, që sipas tij i ka mbyllur dyert sepse nuk ka më gjyqtarë, avokati tha se të njëjtin fat së shpejti do të ketë edhe Gjykata e Apelit të Tiranës.
