Teatri i Operas dhe Baletit nuk ka më Ilir Kernin në krye. Në mbledhjen e qeverisë është pranuar dorëheqja e paraqitur në Ministrinë e Kulturës ditën e premte. E ndërsa kjo e fundit nuk ka bere te qarte arsyet pse Kerni dha dorëheqjen, duke e konsideruar këtë si akt vullnetar, ketë te mërkure në mbledhjen e Këshillit të Ministrave është pranuar kërkesa e Kernit. Artisti që për tre vjet mbajti postin e Drejtorit të Teatrit të Operas dhe Baletit fitoi respektin dhe mbështetjen e gjithë artistëve që këtë fundjavë edhe pse në kohë pushimesh, u kthyen në skenë për të nënshkruar peticionin që mund ta rikthente sërish në detyrë Kernin.
