Kosova duhet të marre masat e nevojshme që taksa 100 % e vendosur për mallrat serbe të mos rëndojë në xhepat e qytetarëve. Në një intervistë për Vizion Plus ambasadori ynë në Kosovë, Qemal Minxhozi tha se vendosja e tarifës u diktua nga rrethana te caktuara.
Duke u ndalur tek zhvillimet e fundit diplomati Minxhozi tha se pas miratimit të taksës ka një lëvizje të kompanive shqiptare për të plotësuar nevojat e tregut në Kosovë.
Sa i përket votimit në parlament për krijimin e ushtrisë së Kosovës, Minxhozi theksoi ky hap do ti japë mundësinë vendit të integrohet në NATO.
Me 14 Dhjetor pritet që parlamenti i Kosovës të votojë krijimin e ushtrisë megjithë kundërshtitë e ndërkombëtareve.
