Policia ka identifikuar dy personat që qëlluan me armë zjarri dy ditë më parë drejt një banese në Malësi të Madhe. Ata janë 27-vjeçari Rivaldo Zmijanej, i njohur edhe me emrin Rivaldo Planaj, dhe Erion Vocrri, nga fshati Hot i Ri.
Sipas burimeve, Zmijanej, nipi i Bardhok Planajt, i njohur edhe si “Kumbari i Shkodrës”, së bashku me Vocrri, kishin shkuar në fshatin Gruemirë për të realizuar një vjedhje.
Gjatë tentativës për të vjedhur, ata janë pikasur nga tre banorët e fshatit, Mirsad, Edison dhe Besim Kurtaj. Pas një shkëmbimi fjalësh, dy të dyshuarit kanë hapur zjarr me kallashnikov, duke qëlluar me breshëri plumbash.
Fatmirësisht, nga të shtënat nuk ka pasur të lënduar, ndërkohë që të dy të dyshuarit janë larguar nga vendi i ngjarjes dhe janë ende në kërkim nga policia. /vizionplus.tv
