Dy shtetas të cilët qëlluan në ajër me armë zjarri në rrugë janë arrestuar nga policia e Durrësit.
Të prangosurit janë shtetasit D. M., 34 vjeç dhe K. M., 49 vjeç, banues në Durrës, të cilët akuzohen për veprat penale “Armëmbajtja pa leje” dhe “Prishja e qetësisë publike”.
Këta dy persona dyshohet se kanë qëlluar në ajër me një armë zjarri pistoletë në lagjen nr.15 , gjatë kohës që kanë qenë duke udhëtuar së bashku me një mjet tip “Audi”, i cili është sekuestruar si provë materiale.
