Disa orë pas ngjarjes së rëndë të regjistruar në rrugën “Dritan Hoxha”, efektivi i forcave Shqiponja me inicialet N. H. ra në pranga. Polici u arrestua pasi qëlloi dy herë 25-vjeçarin Klodian Rasha.
Si pasojë, i riu humbi jetën në spital. Referuar policisë, efektivi u detyrua të veprojë sepse Rasha kishte armë me vete dhe e kishte kërcënuar.
Por familjarët e viktimës e mohojnë diçka të tillë. Ndërsa fqinjët e përshkruajnë si një djalë shumë të mirë dhe jo problematik.