Marrëveshjen politike Rama-Basha, LSI e vlerëson pozitive, pasi mundësoi gjithëpërfshirjen në zgjedhje. Kryetari Petrit Vasili, një ditë pas zyrtarizimit të paktit politik, deklaroi se u shmang katastrofa politike. Por një shqetësim drejtuesi i LSI e pati sa i takon mënjanimit të regjistrimit në KQZ të koalicioneve parazgjedhore.
Petrit Vasili ritheksoi se LSI do të dalë forcë e parë politike, ndërsa shmangu një përgjigje për largimin e tij si Ministër i Drejtësisë. Një ditë më parë, edhe ish-kreu i LSI, Ilir Meta, pas një takimi me ish kryeministrin Berisha, e vlerësoi marrëveshjen politike.
