Presidenti i Rusisë, Vladimir Putin është vaksinuar kundër COVID. Më herët, Kremlini njoftoi se nuk do ta zbulojë emrin e vaksinës së prodhuar në Rusi që Putin ka zgjedhur të marrë.
“Putini u vaksinua kundër koronavirusit. Ai ndihet mirë dhe do të ketë një ditë të plotë pune nesër,” tha zëdhënësi i tij, Dmitri Peskov.
Rusia ka zhvilluar tri vaksina kundër koronavirusit: Sputnik V, EpiVacCorona dhe CoviVac. Ajo ka miratuar Sputnik V-në në muajin gusht, duke u bërë vendi i parë në botë me vaksinë kundër koronavirusit.
