Kremlini ka konfirmuar se i dërguari i Donald Trump Steve Witkoff u takua me Vladimir Putin gjatë vizitës së tij në Moskë ditën e djeshme.
Zëdhënësi Dmitry Peskov tha se ata ranë dakord që Putin të flasë me Trump, megjithëse koha ende nuk është konfirmuar.
Lexo edhe :
Related Posts
“Nuk është rënë dakord ende për kohën e saktë të bisedës mes dy presidentëve”, u tha ai gazetarëve.
“Por në të njëjtën kohë, pasi zoti Witkoff të përcjellë të gjitha informacionet e marra në Moskë në vëmendjen e kreut të shtetit të tij, atëherë ne do të përcaktojmë kohën e bisedës”.
Ai tha gjithashtu për agjencinë e lajmeve TASS se ka një “mirëkuptim” në të dy vendet se një “bisedë midis presidentëve është e nevojshme”.
Peskov tha gjithashtu se Putini i ka dërguar një mesazh përmes Witkoff Presidentit Trump për armëpushimin e propozuar prej 30 ditësh, dhe se ka arsye për “optimizëm.”
Ai shtoi se Putin ishte “në solidaritet të përgjithshëm” me Trump për Ukrainën, por ka shumë punë për të bërë.
Pas vizitës, Witkoff u largua nga Moska./vizionplus.tv
