Presidenti rus Vladimir Putin duke folur për mediat në Moskë akuzoi Shtetet e Bashkuara se duan që konflikti në Ukrainë të zvarritet për aq kohë sa të jetë e mundur.

 

VLADIMIR PUTIN

PRESIDENTI RUS

 

Situata në botë po ndryshon në mënyrë dinamike, konturet e një bote shumëpolare po formohen, gjithnjë e më shumë vende dhe popuj po zgjedhin rrugën e zhvillimit të lirë, sovrane bazuar në identitetin, traditat dhe vlerat e tyre.

 

Putin akuzoi Perëndimin se ndez konflikte në botë duke i ndaluar shtetet nga zhvillimi i tyre.

 

VLADIMIR PUTIN

PRESIDENTI RUS

 

Elitat globaliste perëndimore po kundërshtojnë proceset objektive, duke provokuar kaos, duke ndezur konflikte të vjetra dhe të reja, duke zbatuar një politikë të ashtuquajtur frenimi dhe në fakt duke minuar çdo rrugë alternative, sovrane të zhvillimit.

 

Presidenti rus shtoi se Shtetet e Bashkuara ndërhyjnë në punët e brendshme të vendeve, duke provokuar grushte shteti dhe luftë.

 

VLADIMIR PUTIN

PRESIDENTI RUS

 

Shtetet e Bashkuara dhe vasalët e tyre ndërhyjnë rëndë në punët e brendshme të shteteve sovrane ata organizojnë provokime, grusht shteti, luftëra civile. Ata përpiqen të detyrojnë shtetet e pavarura t’i binden vullnetit të tyre, të jetojnë sipas rregullave me kërcënime, shantazhe dhe presione.

 

Sipas Putin e gjitha kjo bëhet që Shtetet e Bashkuara të mbajnë dominimin e tyre në botë, por se modeli i tyre është i vjetër sipas tij dhe mund të mbahet vetëm me forcë.

 

Leave a Reply

Your email address will not be published. Required fields are marked *