Lideri kinez Xi Jinping ka mbërritur në Moskë për një vizitë tre-ditore ku do të takohet me homologun e tij rus, presidentin Vladimir Putin.
Ky takim vjen vetëm disa ditë pas vendimit të gjykatës ndërkombëtare penale qe lëshoi një urdhër arrest ndaj kreut të Kremlinit Vladimir Putin dhe bashkëpunëtores së tij për krimet e luftës në Urainë.
Në lidhje me këtë vendim Ministria e Jashtme e Kinës ka bërë sot një reagim ku i kërkon Gjykatës Penale Ndërkombëtare të mbajë qëndrim të paanshëm dhe të shmangë politizimin e standardet e dyfishta.
MINISTRIJA E JASHTME E KINES
“Gjykata Penale Ndërkombëtare duhet të mbajë një qëndrim objektiv dhe të paanshëm, të respektojë imunitetin juridiksional që gëzon kreu i shtetit në përputhje me të drejtën ndërkombëtare, të ushtrojë funksionet dhe kompetencat e saj në përputhje me ligjin, të interpretojë dhe zbatojë të drejtën ndërkombëtare me mirëbesim dhe të shmangë standardet e dyfishta”
Kjo është vizita e parë e udhëheqësit të Kinës Jinping në Moskë që kur Rusia nisi pushtimin e saj të paprovokuar ndaj Ukrainës.
Sic është bërë me dije nga mediat vendase, takimi eshte në kuadër të rritjes së bashkëpunimit mes Kinës dhe Rusisë ku do të firmosen disa marrëveshje të rëndësishme.
