Punonjësit e nënstacionit elektrik dhe atij të pompimit të ujit në Poçem të Mallakastrës vijojnë grevën e urisë.
Në këtë grevë janë 14 punonjës, ndërsa njëri prej tyre ka shfaqur komplikacione me shëndetin. Pasi u dërgua me urgjencë mbrëmjen e të enjtes në spital ku mori ndihmën mjekësore, ai është rikthyer sërish në grevë.
Ky akt u ndërmor nga ata pasi deri më tani nuk kanë marrë asnjë përgjigje nga administratorët e kompanisë së naftës në Ballsh sa i takon çështjes së pagave të prapambetura.
Punëtorët refuzojnë ta lënë grevën pa marrë 27 pagat.