Mediat sociale në gjuhën ruse kanë publikuar atë që mund të jetë prova e parë vizuale e dërgimit të trupave nga Koreja e Veriut në Moskë kundër Ukrainës.
Dy videot, të qarkulluara fillimisht nga blogerët ushtarakë pro-Kremlinit në Telegram dhe të marra nga gazeta investigative Agentstvo, tregojnë ato që duket të jenë trupa të Koresë së Veriut në një bazë ushtarake. Ata shfaqen duke kryer stërvitje të përbashkët ushtarake me trupat rusë.
Lexo edhe :
Related Posts
“Ka miliona prej tyre,” dëgjohet një zë në një nga videot në rusisht, që duket se po filmohet fshehurazi.
North Korean soldiers preparing for take part in the invasion of Ukraine.
— WarTranslated (Dmitri) (@wartranslated) October 18, 2024
Videot u shfaqën në internet ndërsa shefi i NATO-s Mark Rutte u tha gazetarëve të premten se ai nuk mund të konfirmonte raportet se koreano-veriorët janë aktivisht tani si ushtarë të përfshirë në luftë.
Duke cituar ekspertët e OSINT, Agentstvo raporton se video ka të ngjarë të jetë regjistruar pranë fshatit Sergeyevka në Primorye në lindjen e largët të Rusisë, rreth 200 kilometra nga Koreja e Veriut.
Aludimey për përfshirjen e Phenianit kanë qarkulluar që kur Koreja e Jugut lëshoi një paralajmërim publik se Pheniani po planifikonte të rriste përfshirjen e tij në “makinën luftarake” të Kremlinit, nga ofrimi i artilerisë deri në dërgimin e deri në 12,000 trupa.
Të premten, Shërbimi Informativ Kombëtar i Koresë së Jugut tha se 1500 trupa të forcave speciale ishin vendosur tashmë në Rusi.
Nga ana tjetër, Zelensky është shprehur se ky është hapi i parë i një lufte botërore./vizionplus.tv
