Avokati Arbër Hoxha, i ftuar këtë të enjte në studion e Quo Vadis të moderatores Pranvera Borakaj në Vizion Plus, ka komentuar vendimin e kolegut të tij, Jordan Daci, për t’u tërhequr nga mbrojtja e Veliajt, 24 orë para se ky i fundit të dalë para Gjykatës Kushtetuese.
Hoxha tha se kjo çështje i përket zotit Daci për të folur, megjithatë ai duhet të mbante premtimin moral përballë klientit të tij.
Pjesë nga biseda:
Hasimja: Mund të jenë disa njerëz të rrjetit njerëzor, por edhe një rrjet tjetër interesash, që është shumë i dobët. Kur nuk ke për t’u afruar, ti nuk je më aktor. Kur ke për t’u forcuar, je ti në qendër të rrethit. Ka edhe një gjë tjetër se si funksionon PS: kapitali politik që përfshin figurat e larta të PS-së është rrallë individual, por një kapital që ta jep kryetari. Të gjithë e dinë që, kur ta mbyll rubinetin kryetari, të gjithë kthejnë kokën për të parë se çfarë thotë kryetari. Në momentin e parë ti mund të dalësh edhe në protestë, pastaj kthen kokën se çfarë thotë regjisori dhe vazhdon.
Borakaj: Ke një koment për tërheqjen e avokatit?
Hoxha: Kur merr dikë përsipër ta mbrosh, vendos në balancë të gjitha gjykatat. Nëse i ke bërë një premtim zotit Veliaj, ai duhet mbajtur. Nëse ka konflikt interesi apo jo, këtë di ta thotë vetëm zoti Daci. Kjo mbetet në këndvështrimin moral, jo ligjor për zotin Daci.
