Pse po mbështeten inceneratorët?

Nisma e qeverisë për të mbështetur industrinë e inceneratorëve vlerësohet nga ekspertët e mjedisit, si një masë e nxituar në stadin në të cilin ndodhet vendi.

Në vend që qeveria të stimulojë industrinë ricikluese dhe prodhimin e energjisë se pastër, ajo po bën të kundërtën. I këtij mendimi është eksperti i mjedisit Gavrozh Zela.

Sipas Zelës prodhimi i energjisë nga mbetjet duhet të jetë opsioni i fundit i zgjedhjes së qeverisë shqiptare.

Nga ana tjetër, ekspertët e mjedisit në PD këmbëngulin se stimulimi i kësaj dege lidhet me kontratat misterioze dhe korruptive të qeverisë për inceneratorët.

Aktualisht është vënë në punë vetëm inceneratori i Elbasanit, ndërkohë që në Fier banorët e disa fshatrave po protestojnë kundër ndërtimit të veprës se dytë.