Paralajmërimi për djegien e mandateve të deputetëve të opozitës e ka futur politikën në një qerthull të panjohur deri më sot.
Prej dy ditësh që në momentin prej dy ditësh, që në momentin që kryetari i demokratëve Basha, e njoftoi këtë nismë politike të pandodhur deri më sot në Shqipëri, kanë vërshuar në media debate dhe hamendje të shumta lidhur me atë se çfarë do të ndodhë, si do të dorëzohen mandatet, kush, si dhe a zëvendësohen mandatet e opozitës, nëse ajo e ndërmerr edhe zyrtarisht këtë hap.
Për të folur më shumë rreth kësaj çështje në edicionin qendror të lajmeve në Vizion Plus ka qenë deputetja e Partisë Socialiste Evis Kushi.
A është e shqetësuar Partia Socialiste nga ky vendim radikal i opozitës?
Nuk mund të them se nuk jemi të shqetësuar pasi çdo sjellje, strategji e opozitës që dëmton zhvillimin e vendit, reformat e nisura, reformën në drejtësi që dëmton procesin e integrimit është shqetësuese. Këtë nuk e themi ne por e thonë edhe partnerët ndërkombëtarë BE-ja dhe SHBA-ja që sot kanë dalë njëzëri kundër vendimit radikal të opozitës. Ata e konsiderojnë opozitën një institucion që duhet të veprojë në mënyrë konstruktive në parlament sepse ajo është baza e demokracisë dhe kërcënimet për dorëzimin e mandateve thjeshtë minojnë zhvillimin e vendit, minojnë reformat dhe demokracinë. SHBA ka shkuar edhe më tutje duke I bërë thirrje të gjithë deputetëve të ngrihen në lartësinë e detyrës së tyre dhe të mos binden ndaj këtij vendimi të marrë nga Lulzim Basha.
Fillimisht u duk se PS-ja nuk e besonte se PD-ja dhe e gjithë opozita do të ecte në këtë drejtim pasi kishte zëra që edhe mund të mos jenë në një bllok. A jo që na intereson tashmë është se çfarë do të bëjë Partia socialiste nëse siç deri në këto momente opozita do ta zyrtarizojë dhe do ta braktisë parlamentin. Si do të veprojë Partia Socialiste, si do të funksionojë parlamenti, si do të qeverisët vendi?
Ne akoma urojmë që kjo të mos ndodhë kjo nisur edhe nga deklaratat edhe thirrjet e institucioneve ndërkombëtare, por nisur edhe nga disa deklarata individuale të disa deputetëve që tashmë kanë dalë haptazi për mos lënien e mandateve, shpresojmë që kjo të mos të ndodhë. Por veprime tona do të jenë që ne të mos ndjekim rrugën e vitit 2017, pasi mesa duket opozita dhe Basha kërkojnë që të ndjekin të njëjtën rrugë që ndoqi me çadrën duke kërkuar pushtet në tavolinë në maj të 2017-ës, por fakti që ne atëherë pranuam që të bëjmë një marrëveshje për arsye madhore për arsye që rezultatet e zgjedhjeve të qershorit të pranoheshin nga të gjitha forcat politike nuk do të thotë se ne do ta përsërisim edhe njëherë këtë marrëveshje pasi kjo do të bënte një precedent të rrezikshëm e para Kushtetuta nuk e pranon ndarjen e pushtetit në tavolinë dhe e dyta se nuk ka asnjë precedentë në vendet e tjera dhe së treti Lulzim Basha duket i pabesueshëm sepses a herë që humbet zgjedhjet ai kërkon që të marrë pushtet në tavolinë.
Zyrtarisht ne dimë se vetëm deputeti i LSI-së Lefter Koka e ka kundërshtuar këtë vendim keni ndonjë informacion apo emër tjetër për këtë?
Kam informacione por nëse ato nuk kanë dalë akoma të deklarojnë një gjë të tillë, atëherë nuk mund të jem unë që e bëj këtë deklaratë por mesa di unë ka edhe deputetë të tjerë të përgjegjëshëm të cilët janë duke e menduar mosbindjen ndaj këtij urdhri të liderit të opozitës.
