Fushata elektorale për zgjedhjet e 25 prillit do të çelet zyrtarisht të enjten.
Partia Demokratike dhe Partia Socialiste kanë vendosur që aktivitetin hapës ta organizojnë në Tiranë, nga ku pritet të nisë edhe beteja politike.
Socialistët do të organizojnë një takim në sheshin “Skënderbej” në orën 18.00, kurse demokratët do të mblidhen në sheshin “Nënë Tereza”, shkruan “Vizion Plus”.
Komisioni Qendror i Zgjedhjeve u bëri thirrje partive politike për vetëpërmbajtje dhe të mos përdorin burimet publike.
