Në të katerten ditë qytetarët janë mbledhur për të protestuar kundër rritjes së çmimit të naftës dhe rrjedhimisht të gjithe produkteve ushqimore.
Jo vetëm kryeqytetasit, por protestës i janë bashkuar edhe me qindra qytetarë të ardhur nga rrethe të ndryshme të vendit.
Nga sheshi “Skënderbej” aty ku u mblodhën, me qindra qytetarë marshuan drejt kryeministrisë aty ku Edi Ramës i kërkohet të ulë çmimet që çdo ditë po vështirësojnë jetesën e tyre.
I gjithë bulevardi “Dëshmorët e Kombit” është tejmbushur nga nga qindra qytetarë, në një protestë kombëtare e cila prej ditësh zhvillohet para zyrës së kryeministrit në Tiranë dhe në rrugët kryesore të qyteteve të tjera.
Protestuesit kundër rritjes së çmimeve tanimë ndodhet para kryeministrisë aty ku Edi Ramës po i kërkohet të ndërhyjë, të marrë të gjitha masat për të ndaluar abuzimin me çmimet dhe të mbështesë nga kategoritë më në nevojë deri te ato që ekonomia familjare po u kërcënohet nga kriza e çmimeve të karburanteve dhe produkteve ushqimore.
Në podiumin e improvizuar në shkallët hyrëse të kryeministrisë, organizatorë dhe qytetarë po i drejtohen Edi Ramës me kërkesat e tyre.
Paralelisht teksa qindra qytetarë i protestojnë para zyrës, Edi Rama mblodhi qeverinë për të përcaktuar paketën e rezistencës sociale ndaj pasojave të krizës globale energjetike si edhe të luftës në Ukrainë mbi çmimet.
Po sot u mblodh bordi kombëtar për administrimin e karburanteve, i cili ne dy muajt ne vazhdim do përcaktojë çmimin me të cilin do të shitet nafta në të gjitha pikat e karburanteve, me qëllimin për të bërë transparencë dhe për të ndaluar abuzimin.
Ne vendimin e pare qe mori Bordi, vendosi qe te pakten per 24 oret ne vijim, cmimi i karburanteve do te jete 217 leke per liter, rreth 60 leke per liter më ulet sesa ajo qe ishte ne treg.
Pritet të shihet nëse në paketën e rezistencës sociale të lajmëruar nga kryeministri do të ketë një rishikim të taksave që rëndojnë mbi çmimin e naftës apo të produkteve ushqimore dhe paketa të mbështetjes financiare për kategori të veçanta, si pensionistët, familjet me ndihmë ekonomike apo fermerët.
