Protestuesit spostohen nga Ministria e Arsimit, marshojnë drejt Kryeministrisë

Zhvillimet në kryeqytet kanë marrë një tjetër rrjedhë me lëvizjen e protestuesve në akset kryesore.

Pas tensioneve të njëpasnjëshme turma e protestuesve është larguar nga Rruga e Durrësit.

Sipas thirrjeve të njëzëshme të qytetarëve në shesh dhe raportimeve më të fundit nga terreni, protestuesit kanë nisur një marshim përgjatë rrugëve të Tiranës, duke u drejtuar tashmë drejt godinës së Kryeministrisë.

Lëvizja e turmës po vijon mes thirrjeve dhe mobilizimit të qytetarëve, ndërkohë që forcat e rendit po ndjekin situatën përgjatë itinerarit të marshimit.