Protestuesit rikthehen pranë Ministrisë së Arsimit, policia i ndalon me ujë me presion

Policia ka përdorur sërish ujë me presion për të shpërndarë protestuesit e mbledhur para Ministrisë së Arsimit në Tiranë.

Pas marshimit, një pjesë e studentëve është rikthyer drejt vendit ku nisi protesta, ndërsa në Rrugën e Durrësit ka nisur sërish grumbullimi i protestuesve.

Forcat e policisë nuk i kanë lejuar protestuesit t’i afrohen godinës së Ministrisë së Arsimit, duke ndërhyrë me ujë me presion për t’i mbajtur larg institucionit.

Situata vijon të jetë e tensionuar, ndërsa studentët protestojnë kundër problematikave në arsim dhe kërkojnë ndryshime.